Универзитет Св. Кирил и Методиј

Универзитетот „Св. Кирил и Методиј“ во Скопје е првиот државен универзитет во Република Северна Македонија, основан во 1949 година со три факултети. Денес, тој претставува заедница од 23 факултети, 5 научни институти, 4 јавни научни установи како придружни членки, 1 придружна високообразовна установа и 7 придружни организации. Неговото работење е уредено со Законот за високото образование и Статутот на Универзитетот.